{منـتـديـآت آرسـ♥ــم طــبــرق}


    غناوي و شتاوي المرحوم عبد الكافي

    شاطر
    avatar
    العزومي
    .
    .

    عدد المساهمات : 143
    تاريخ التسجيل : 28/01/2012
    العمر : 27

    غناوي و شتاوي المرحوم عبد الكافي

    مُساهمة من طرف العزومي في السبت يناير 28, 2012 10:39 pm

    بعض الغناوي التي ألقاها عبدالكافي في جلساته:


    ياواهب ارزاق العين...سهل أقسام مقطوع الرجا

    عزيز فاتك ياكبد...اسملا علي ان ماقسم

    حتى لو أعزاز انكروا...نحلف عليه عقلي عندهم

    جينا اصداف عزيز...اشردن لابكن لا دنقرن

    جميع من مغالي ناس ...قسموله الا أنا ايش دوتي

    انقول حلم ولا علم...بعد اسنين لاقيت جارحي

    حتى والفراق اقسام...اللوم عالقديمين دايره

    جميع مازرعتا صاف...بختي عطيب ياناس في الغلا

    اخطي امعاي والقيها عزيز...قيسني صاحب عشم

    ياريتنا نهار خطاك...متنا عليك ياصاحب الغلا

    العين حالفة للعقل ...انطيعك الا في نسوهم

    من لذع ياعزيز النار ...تقبل جميل لو تاوى علي

    انخاف ياعزيز عليك...اندير كبد تلوي ايدي ابها

    ضماد ياعزيز الجرح...ما اقسى ايديه مو ماوي علي

    اقصرت ياعزيز امعاي...رخيتني ونا ليد مادها


    بعض شتاوات عبد الكافي:


    ديمة يا جوي متعكر...قاعد في لوهام انفكر

    ياجياب نبا فرقاهم...ياريتك عديت امعاهم

    ننشد في فسار منامي...قال ابكي مافيه قسامي

    كان ابكاك ايداوي عقلي...ليل نهار عليه ادقلي

    من سطارسطير جروحي...متملل حتى في روحي

    ماني معتاز لغياتا...الغالي كي روحه اعجباتا

    لا لايم لا عاد قتلنا...من جرح المرهون اوحلنا

    ليلة في ليلة في ليلة...دارن ع لولاف طويلة

    كي جفني للنوم تلاقا...كنك جبتيلي نقناقه

    دمع العين امغير ايهطل...لاجاب غوالي لا بطل

    ياالقديم جضيضي منك...نين عويلي قالوا كنك

    درت غلا في عمري لول...لا حول لا عمره ايحول

    قاعد يا لولاف بلاكم...درنا نا والعين عزاكم

    ماعمره بكاني والي...فيت اديار عزيز خوالي

    ناسيهم في نومي رايق...لكن وين ايجوا نضايق
    avatar
    الادارة
    .
    .

    عدد المساهمات : 108
    تاريخ التسجيل : 16/12/2011
    العمر : 25

    رد: غناوي و شتاوي المرحوم عبد الكافي

    مُساهمة من طرف الادارة في السبت يناير 28, 2012 10:45 pm

    نوعي في لوهام اطاول منى مل اللي جا ساول

      الوقت/التاريخ الآن هو الخميس سبتمبر 20, 2018 1:29 pm