{منـتـديـآت آرسـ♥ــم طــبــرق}


    بعض شتاوي للشتاي رمزي بو برمه

    شاطر
    avatar
    العزومي
    .
    .

    عدد المساهمات : 143
    تاريخ التسجيل : 28/01/2012
    العمر : 27

    بعض شتاوي للشتاي رمزي بو برمه

    مُساهمة من طرف العزومي في الخميس فبراير 02, 2012 12:44 am

    الشتاي رمزي بوبرمه
    رمزي بوبرمه قال:
    فيك ادموع وفينا لوعه ياعين اعذارك مقطوعه
    رمزي بورمه قال:
    جرت دمع العين لقطنا من غادي ع دار سقطنا
    رمزي بورمه قال:
    اتريدي لولاف ايداووك ابلوعه ع لوعه زادوك
    رمزي بورمه قال:
    ميت موت امرايف علي بين النومين ايخايلي
    رمزي بورمه قال:
    الي قاس الوعه امعروف ادموعا ديما ع الهيفوف
    رمزي بورمه قال:
    حالي حال جديد الوعه ديمه ع هيفوف ادموعه
    رمزي بورمه قال:
    حالي حال الي دايربا شوق اوماوالي سامربا
    رمزي بورمه قال:
    حالي حال الي لعبوبا حساد وميس من صوبا
    رمزي بورمه قال:
    جاسر ونضاري داعني ع نيران اوكال كلني
    رمزي بورمه قال:
    الدار بعد هاذاك العز خلاها شين اليوم ايلز
    رمزي بورمه قال:
    لوهام علي قل عزيمه ماشي جاي عليهن ديمه
    رمزي بورمه قال:
    الدنيا لواح وحباس؟ انشد من لعبت بيه وقاس؟
    رمزي بورمه قال:
    انعدولك يادار اقدم انردو مليانين ندم
    رمزي بورمه قال:
    الغالي ياما قدرناه امغير اخسرناه اخسرناه

    رمزي بورمه قال:
    واجد يادار بكينالك لاكن ماغيرنا حالك
    رمزي بورمه قال:
    عمري ماداجيت ادموعي كي ننضام ايجن ف طوعي
    رمزي بورمه قال:
    جاني يامرهون سلامك مانفست الا قدامك
    رمزي بورمه قال:
    الغالي لاذعني لذعات انموت وهن في علامات
    رمزي بورمه قال:
    كي يرضو لولاف الباقي ماني حتا بيهم شاقي
    رمزي بورمه قال:
    انخطيلك خطيلي جاي اقسم مشوار غلاك معاي
    رمزي بورمه قال:
    شايلك نيه ف بالي كي موج المالح ياغالي
    رمزي بورمه قال:
    قولي لك ياغالي غالي ماعمر اطمع بيها والي
    رمزي بورمه قال:
    انراجو في مقطوع نصيب امراجات الحارث شابيب
    رمزي بورمه قال:
    ابكاها ف دار المرهون اشبوب وقلتلها بلهون
    رمزي بورمه قال:
    الغالي يجفاني نجفاه ايريد ايراجيني نرجاه
    رمزي بورمه قال:
    كلمه م لولاف انقالت تبرم ف عقلي مازالت
    رمزي بورمه قال:
    قالو قال عزيز توازت كي وصلتني قلت اوجازت
    رمزي بورمه قال:
    بيني يامرهون اوبينك خراب غلا عيني عينك
    رمزي بورمه قال:
    دمعي ع الغالي ولغالي لو يالاي ولو ف حالي
    رمزي بورمه قال:
    سكات الغالي لاقيني كل نهار ابعيب ايجيني
    رمزي بورمه قال:
    اللي خطر ع عين اقدم امخطم عنده فيهم دم
    رمزي بورمه قال:
    انشيلك من توا لدار انكان احملتي لذع النار
    رمزي بورمه قال:
    بيت غلاي كربته روح هو كوم اوناجيت امطوح
    رمزي بورمه قال:
    بيت غلاي اخيا هو كله بيدات اطرقته ومشله
    رمزي بورمه قال:
    الي ماجابنه لقسام تقلدني ف كل منام
    رمزي بورمه قال:
    يلي يلون فيك اقسامك نداوه حتا بسلامك
    رمزي بورمه قال:
    يوم خطاهم ضاقت برقه ونار امعا جوفي ترقه
    رمزي بورمه قال:
    سرقت عين الغالي لنا كل املاقاه اترهدنا
    رمزي بورمه قال:
    ياغالي في كل املاقا مازالت عينك عواقا
    رمزي بورمه قال:
    يادار الا الغوالي ماريت غلا منك والي
    رمزي بورمه قال:
    كادتني مرهون نسيته كيما كادتني قسميته
    رمزي بورمه قال:
    فارق مرهون اوجاورها حالف يقهرها يقهرها
    رمزي بورمه قال:
    مانحساب قديم اتكيده قول سلام بلا مد ايده
    رمزي بورمه قال:
    كي نبقه نحضر ونغيب نعرف دار قديم اقريب
    رمزي بورمه قال:
    كان عزيز وكنت انعزه وليوم الدوه منحزه
    رمزي بورمه قال:
    نانحسب ولياس حسبلي حسبه طال غوالي قبلي
    رمزي بورمه قال:
    هد العين اوهد اريافي سوق خذني شور اولافي
    رمزي بورمه قال:
    عليما قسنا من تلذيع وخيذه يانار التوديع
    avatar
    الادارة
    .
    .

    عدد المساهمات : 108
    تاريخ التسجيل : 16/12/2011
    العمر : 25

    رد: بعض شتاوي للشتاي رمزي بو برمه

    مُساهمة من طرف الادارة في السبت فبراير 04, 2012 12:09 am









    ابـــــــداع


    ماشاءالله عجبني والله انك مبدع اسلمت اسلمت
    avatar
    العزومي
    .
    .

    عدد المساهمات : 143
    تاريخ التسجيل : 28/01/2012
    العمر : 27

    رد: بعض شتاوي للشتاي رمزي بو برمه

    مُساهمة من طرف العزومي في السبت فبراير 04, 2012 9:21 am

    شكرا

    اعجابك بما هو جميل يدل ع جمال ما بداخل شكرا ع مرورك

      الوقت/التاريخ الآن هو الخميس سبتمبر 20, 2018 1:10 pm