{منـتـديـآت آرسـ♥ــم طــبــرق}


    لغير الله مانشكي لحد

    شاطر
    avatar
    العزومي
    .
    .

    عدد المساهمات : 143
    تاريخ التسجيل : 28/01/2012
    العمر : 27

    لغير الله مانشكي لحد

    مُساهمة من طرف العزومي في الأحد يناير 29, 2012 9:02 pm

    لغير الله مانشكي لحد .... وماعنديش فدنيا خصوم
    وعندي اجواد تغلب فلعدد .... ونعرف ناس في كل يوم
    وليهم طبع لو نوصف بجد .... مانوفيش فيهم بتموم
    سبب شقاي من ناير الخد.... كلامه لي ياتي بلهجوم
    في قسواه يبيني نكون ند .... وني مانيش لصوبي دموم
    ولاكن ليه بنوضح برد .... هلموال ماعندا الزوم
    ادكر شي اسما الود .... ينسي الهم ويقوي لعزوم
    ومانرخيك ياسمح القلد .... حتي لو تزعل علي دوم
    ونمسك فيك مانغيب جهد .... عليك الشوق لازمني لزوم
    وعقلي ليوم موالك جبد .... بعد حسيت في قولك تلوم
    الخاطر جاب طاريك وسرد .... سبب قسواك يحكي للعموم
    رغم البعد وعلوت السد .... نكسر فيه ليش اني امغروم
    تقاوا اشوي وشويه برد .... خطورك جي كي هب النسوم
    نغالي فيك يانقش اليد .... يا مبهاك ياسمح لبسوم
    يابو عيون من راهن نهد .... لهن نضرات ينسن فلهموم
    حتي لو زاعل بجد .... نراضي فيك مايجينيش نوم
    وبعد خصام عليا ترد .... ومستنيك تلقاني نحوم
    وحبل الصوب بين رخوة وشد .... كل الناس ضاقت هسموم
    طلبت الله وبخيرا يبد .... ويجلي هم من عندا بكوم
    وصلو معاي علي مو كيف حد .... رسول الله شفيع كل قوم


    avatar
    الادارة
    .
    .

    عدد المساهمات : 108
    تاريخ التسجيل : 16/12/2011
    العمر : 25

    رد: لغير الله مانشكي لحد

    مُساهمة من طرف الادارة في الأحد يناير 29, 2012 9:07 pm








    صح السانك

    سلمت يمــيناك

      الوقت/التاريخ الآن هو الإثنين يوليو 16, 2018 8:59 pm